Муус устар 15 күнүгэр оһуохайы өрө туппут, оҕолору сырдыкка, музыка кэрэ эйгэтигэр угуйбут, уһуйааччылар уһуйааччылара, биир дойдулаахпыт васильева Марта Георгиевна – Алгыстаана үбүлүөйдээх 55 сааһын туолар улуустааҕы «Оһуохай күрэҕэ» буолан ааста. Барыта 25 кыттааччы кэлбитэ. Саамай ыраах сиртэн Түбэй Дьаархантан тиийэ кэлбит этилэр. Биһиги оскуолаттан 3 оҕо ситиһиилээхтик кытынна: Сидоров Юлиан 4 кылаас үөрэнээччитэ, Сидорова Даяна 6 кылаас, Саввинова Мичийэ 2 кылаас.

          Күрэхпит сарсыарда 10 чаастан са5аламмыта. Күрэх аһыллыыта 1 чааска буолбута, онно оскуолаттан үҥкүүһүт оҕолорбут кэлэн киэргэппиттэрэ, уонна кэрэ куолаһынан Чирикова Марта Егоровна тойук эппитэ, онтон эҕэрдэ тылларын, подароктарын Марта Георгиевна чугас дьоно, доҕотторо, үөлээннээхтэрэ, биир дойдулаахтара туттарбыттара.

          Күрэхпит 4 ааһыыта тумуктэммитэ. Биһиги оҕолорбут бары ситиһиилээх миэстэҕэ тиксибиттэрэ, ол курдук С.Юлиан 3 степеннээх лауреат уонна “Түһүлгэ эрэлэ” диэн номинация, С.Даяна 1 степеннээх лауреат, С.Мичийэ 2 степеннээх дипломант үрдүк ааты ылбыттара.

         Бу күрэххэ күүс – көмө буолбуттара: биһигини минньигэс аһылыктарынан күндүлүүр повардарбыт кэлэн шашлык, араас ас-үөл атыылаан атын сиртэн кэлбит оҕолору тото-хана аһатан ыыппыттара.

Оҕолор уһуйааннара: Амонова М.В.