Тохсунньу 19 күнүгэр маҥнайгы кылаас үөрэнээччилэрэ ааҕарга-суруйарга үөрэппит бастакы кинигэлэрин «Букубаары» кытта быраһаайдаһар эмиэ да үөрүүлээх, эмиэ да хомолтолоох түгэннэрэ буолла. Оҕолор бу күн төрөппүттэрин, учууталлары ыҥыран оскуола боруогун атыллаан ылбыт билиилэрин, сатабылларын, үөрүйэхтэрин көрдөрдүлэр. Хоһоон аахтылар, ырыа ылаатылар, таабырын таайдылар, оонньуу арааһын оонньоотулар. Оонньуулар түмүктэринэн «Үөрэх баар – бараммат баай» өс хоһоонун суолтатын, ис хоһоонун арыйдылар.

Кэлбит ыалдьыттар, төрөппүттэр үөрэнээччилэргэ салҕыы ситиһиилээх үөрэҕи, дириҥ билиини ылалларыгар бэйэлэрин баҕа санааларын тириэртилэр.