Главная » 2019 » Январь » 22 » Ил Тумэн
12:24
Ил Тумэн

Ил Түмэн депуттара Бүлүү бөлөх улуустарын анаан-минээн кэрийэн, олохторун-дьаһахтарын билсэ диэн тохсунньу 20 күнүгэр Сунтаар улууһугар кэлбиттэрэ. Дэлэгээссийэ састаабыгар Саха Өрөспүүбүлүкэтин Судаарыстыбаннай мунньаҕын бэрэссэдээтэлэ Петр Гоголев, дьокутааттара Феодосия Габышева, Владимир Габышев, Яков Ефимов, Владимир Чичигинаров, Андрей Николаев, Семен Березин, Ньургуйаана Захарова, Саха Өрөспүүбүлүкэтин Бырабыыталыстыбатыттан министиэристибэлэр салайааччылара, үлэһиттэрэ, улууспут бас-көс дьоно бааллар. Тохсунньу 21 кунугэр Аллына орто оскуолатыгар оробуочай сырыынан сырыттылар. Саха ыалдьытымсах сиэринэн 5 кылаас үөрэнээччилэрэ саҥыйахтаах алаадьынан, кымыһынан айах тутан көрүстүлэр. Феодосия Васильевна биһиги оскуолабыт саҥа таас варианынан тутуллуутугар элбэх сыратын биэрбит, ымпыгар-чымпыгар тиийэ үлэлэспит улахан өҥөлөөх. Ол да иһин уруккуттан билэрдии саҥа анаммыт дьокутааттарга туох-хайдах үлэлии олорор оскуола буоларбытын сиһилии билиһиннэрбитинэн барда. «Аллыҥа» нэһилиэк историко-краеведческэй түмэлин салайааччыта Иванова Т.С. бэлэмнээбит гид оҕолоро саха, нуучча тылынан нэһилиэкпит историятын, дьоно-сэргэтэ тугунан дьарыктаналларын, тэрилтэлэрин, үөрэнээччилэр ситиһиилэрин бэрт кылгас бириэмэ иһигэр сырдаттылар. Дэлэгээссийэ салҕыы үөрэнэр кылаастары, лабораториялары сэргии көрдө. Маҥнайгы кылаас үөрэнээччилэрэ ааҕан иһитиннэрдилэр, ыйытыкка эппиэттээтилэр, уопсай хаартыскаҕа түһүү тэрилиннэ. Оскуола библиотекатыгар директор Уаров В.В., нэһилиэк баһылыга Спиридонов Н.В. оскуола, нэһилиэк сайдыытын тула истиҥ кэпсэтии барда. Онтон салҕыы үлэлиир бөлөх «Үрүйэчээн» дьааһыла саадка, «Ал-Су» ТХПК сырытта.

Директоры иитэр үлэҕэ солбуйааччы Антонова Н.Г.

Просмотров: 31 | Добавил: KeRby | Рейтинг: 0.0/0
Всего комментариев: 0
Имя *:
Email *:
Код *: